Auto klasikoen kontzentrazioa, Loiun

Aikor aldizkaria 2017ko urr. 3a, 12:24

Zazpigarren aldiz egingo da urriaren 8an. Auto klasikoak 10:00etatik 11:30ak arte izango dira Loiuko plazan, eta gero txangoa egingo dute Txorierritik. 

Hainbat kategoria ezarriko dira eta herritarrek euren botoa eman ahalko diote gehien gustatzen zaien autoari edo, euren ustez, kategorietara ondoen egokitzen den autoari. Sariak 14:00etan banatuko dira, eta, Udalaren eskutik, hamaiketakoa eskainiko da Aurregoiti jatetxean.