“Younes, Ibra, Mikel eta Aitor denboraren kontra aritu ziren eta esfortzu handia eginda lortu zuten euren seriea irabaztea”, esan digute kirol taldetik. “Lehenengo aldia da Beste Bira, titulu hau eskuratzeko, lehian sartu dena eta oso emaitza ona eduki dugu”. Aurreko egunean, zapatuan, taldeko atletek ere hartu zuten parte 4x100 proban eta bosgarren postuan lotu ziren.
Bestetik, zapatuan Atletismoaren jaia egin zen Bilbon eta Beste Bira klubeko 30 korrikari izan ziren bertan. “Lasterketa adin guztietako atletei egon zen zuzenduta eta gure korrikalariek kirol honetako elitea ezagutzeko aukera izan zuten. Emaitza onak lortu genituen eta giro itzela egon zen”.
Beste Bira atletismo kluba jaio berria da dagoeneko 50 kide ditu. Txikienek (bost urtetik aurrera) martitzenetan eta eguenetan entrenatzen dute Larrondoko frontoian; eta barikuetan, Derion. Informazio gehiagorako: www.bestebiratxorierri.com.