Sektore horrek 15,7 hektarea dauzka eta, aurreikuspenaren arabera, Aransutegi errekak bitan banatuko du eremua. Etxebizitzak kolektiboak izango dira eta gehienez lau soilaru edukiko dituzte.
Plan partziala udalbatzan onartu behar den arren, Udaletik jakinarazi dute prest dituztela ikerketa aeronautikoa eta ingurugiroari dagokiona. Ikerketa horiek agintari eskudunek aztertu eta onartu behar dituzte. Horri lotuta, aipatu beharra dago Udalak debekatuko duela Aransutegi errekari kaltea ekarriko dion edozein lana, “zubiak eta oinezkoentzako pasaguneak eraikitzeko beharrezkoak direnak izan ezik”. Azaldu duten moduan, ekimen honek herritarren eskaerari erantzuna ematea du helburu.