Aipatu duten moduan, Aire Segurtasunari buruzko Legeak 40. artikuluan ezartzen du aireportuetako arduradunek, besteak beste, azpiegitura segurtasunez erabiltzen dela bermatu behar dutela, eta diseinuari, erabilerari eta funtzionamenduari lotutako segurtasun-neurriak betetzen direla. Era berean, azpimarratu dute Sektore Publikoaren Araubide Juridikoari buruzko Legeak hirugarren artikuluan ezartzen duela Administrazio Publikoek oinarri hauek errespetatu behar dituztela: herritarrei zerbitzu eraginkorra ematea, helburuka planifikatzea eta zuzentzea, kudeaketa kontrolatzea, politika publikoen emaitzak aztertzea eta baliabide publikoak modu eraginkorrean ematea eta erabiltzea.
FACUA Euskadik adierazi duenez, putreek Loiuko aireportuko pisten gainetik hegan egiteak arriskuan jar dezake hegazkinen segurtasuna. Gainera, gogora ekarri du pilotu batzuek ohartarazi dutela hegaztiok sortutako arazoei aurre egin behar izan dietela. Hori dela eta, Aenari eskatu dio jakinarazi dezala zer nolako neurriak hartzeko asmoa duen aireportuan putrerik ez egoteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).