Aireportuko garbitzaileek lanuzteetara deitu dute

ELA sindikatuak jakinarazi duenez, Bilboko aireportuko garbitzaileek, Optima Facility Services enpresakoek, lanuztea egingo dute gaur, uztailak 23, 15:00etatik 17:00etara. “Lanuztearen arrazoia da eskatzea langileen lanorduak bat etortzea benetan aireportuan dagoen lanarekin”.

Azaldu dutenaren arabera, langileek hilabeteak daramatzate ahalegin handia egiten eta aireportuko maiztasuna biderkatzen. “Lan-maila horri eutsi ahal izan zaio, pandemia dela-eta bidaiari gutxi egon delako. Gaur egun, berriz, AENAko langileak % 100ean dabiltza lanean eta oporrak direla-eta askoz bidari gehiago dago aireportuan. Udako hilabeteetan normaltasuna egongo dela aurreikusi da; hala ere, langileek jarraitzen dute pandemiaren aurretik baino ordu gutxiago egiten”.

ELAren esanetan, sindikatuen ordezkariek enpresari zein AENAri eskatu diete lanorduen % 100 berreskuratzeko, eta kasu bietan ezetz erantzun dute. Hori dela-eta erabaki dute lanuzteetara deitzea. “Ulertzen dugu bidaiariengan sor daitekeen deserosotasuna, baina babesa eta elkartasuna eskatzen dugu”. 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).