Josu Andoni Begoña Loiuko alkateak bere webgunean jakinarazi duen moduan, Larrondoko rokodromoa berritzeko lanak amaitu dira. Heldulekuak garbituz gainera, 200 helduleku berri inguru ipini dituzte, ibilbide zabalagoak eta hainbat zailtasun-mailetakoak sortzeko. “Herriko eskalatzaileek entrenatzeko eta kirola gozatzeko leku ona izatea nahi dugu”, idatzi du. Rokodromoa frontoiaren atzealdean dago, futbol-zelaiaren ondoan.