Zapatuan, apirilak 30, Proba Konbinatuen Bizkaiko Txapelketaren finalak jokatu ziren Zorrotzan, eta Beste Bira atletismo-klubeko atleta bik hartu zuten parte bertan: Zion Uria eta Harriet Aketxe. Txorierriko atletak kimu kategorian aritu ziren eta Uria bigarrena izan zen; Aketxe, hamargarrena.
Orotara 12 atletak hartu zuten parte finalean eta hara denboraldian lortutako puntuei esker sailkatu ziren. Hiru probari egin behar izan zieten aurre: 60 metroak, luzera-jauzia eta pisua. “Biek meritu handia dute, ez baitute entrenatzeko ez tartanik, ez are-hobirik, eta hala eta guztiz ere, finalera ailegatzea lortu dute”. Bestalde, hurrengo zapatuan, maiatzak 7, Erreleboen Bizkaiko Txapelketa izango da Basaurin eta Beste Birako atletak ere ibiliko dira han.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).