Irailean amaitu ziren Larrondoko Zentro Zibikoa berritzeko lanak. Txiki-parkaz gainera, hauek atonduko dira han: txiki-txokoa, kultura- eta kirol-ikastaroak emateko gela, jubilatuentzako gela eta udal-bulegoak. Zentro Zibikoa ia orain dela 25 urte altxatu zen eta, Josu Andoni Begoña Loiuko alkatearen esanetan, gaur egungo garaietara egokitu behar izan da. “Erabiltzen ez ziren gune asko zituen eta lekua oso-osorik eraberritu da gune horiek hobeto aprobetxatzeko”. Udalak Larrondo auzoa suspertzea du helburu eta, horretarako, beste egitasmo batzuk egingo dituzte, hala nola gimnasioa, gaztegunea, Pump Truck- eta skate-pistak, janari-denda eta belar-artifizialezko futbol-zelaia.
Hurrengo asteburuan zenbait ekitaldi egingo dira Euskal Herrian Arimen gauaren haritik. Loiun aprobetxatuko dute jaia, Larrondoko txiki-parka irekitzeko. Ospakizuna urriaren 28an, barikuan, egingo da 18:30etik aurrera eta gonbidatuek kopaua hartuko dute bertan. Gainera, Dj Xaiborrek girotuko du ekitaldia. Lekua ez da oso handia; beraz, leku mugatuak egongo dira, hau da, Loiun erroldatutakoak baino ezin izango dira jaira sartu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).