Horrela, bada, diru-partidak handitu dira hurrengo esparru hauetan: gizarte-ekintzan, etxeko laguntzan, prestazio osagarrietan eta lan programetan; eta diru-laguntza berria sortu da energiaren harira. Gainera, udal-tasak eta -zergak bere horretan utzi dituzte. “Helburua da lanean jarraitzea Loiu erakargarria, modernoa eta jasangarria izateko. Hala ere, nazioarteko egoera eta datu makroekonomikoen ziurgabetasuna direla eta, euste-aurrekontuak dira, eta lehentasuna pertsonei eta gizarte-arloari eman diegu”.
Bestalde, adierazi moduan, hainbat proiektu egingo dira herriko auzoetan. Haien artean aipagarriak dira Zabaloetxeko bihurguneak; Lauroetako haurreskolaren ondoko espaloia eta parkinga urbanizatzea; Zabaloetxeko Etxebizitza Plana; Landatxuetako, Kukuluseko eta Lauroetako herri-argiak; Zabaloetxeko igerilekuak; Larrondoko belar artifizialezko futbol-zelaia; hondakinak batzea eta kaleak garbitzea; eta kultura-, gizarte- eta kirol-plana. Gainera, elkarte guztien dirulaguntza % 10 handituko da.
Begoñaren esanetan, Loiuko 2023rako aurrekontuak dira inoizkorik handienak. “Gobernu-taldearen, Ekonomia Arloaren eta udal-teknikari guztien lanari esker ahal izan dugu urte gutxian aurrekontuak handitzea eta, hortaz, udalaren ekonomia-birika handitzea”.