Larrondoko Inauterietan 750 euro banatuko dituzte saritan

Larrondon ere sarituko dituzte mozorrorik onenak eta originalenak. Bi kategoria egongo dira, familiak eta nagusiak, eta guztira 750 euro banatuko dira saritan. Familia-kategoriaren irabazleak 200 euro jasoko ditu saritzat; bigarrenak, 150 euro; eta hirugarrenak, 100 euro. Nagusien mozorrorik onenak, bestalde, 150 euro jasoko du saritzat; bigarrenak, 100 euro; eta hirugarrenak, 50. Mozorro-lehiaketa otsailaren 11n egingo dute 18:00etan. Xaiborrek girotuko du arratsaldea eta sorpresak egongo dira. Gainera, mozorrotzen diren ume guztiei gozokiak emango dizkiete. Loiuko Udalak antolatutako ekintza da.