“Inori ez zaio gustatzen, baina agur esateko unea heldu da. Eskerrik asko Real Zaragoza osatzen duten lagun guztiei –langileei, taldekideei eta gertuko jendeari– hona etorri nintzenetik eskaini didazuen guztiarengatik. Hona etorri bezain pronto, erreparatu nion klub historiko honek duen garrantziari eta espero dut ahalik eta lasterren Lehenengo Mailara itzultzea. Lanari eta ilusioari esker, jaso dudana itzultzen saiatu naiz”, adierazi du Larrazabalek.
Zaragozak 2020an fitxatu zuen Larrazabal. Aurten, 33 partida jokatu ditu, horietako 14 hasierako hamaikakoan. Guztira, 54 partida irabazi ditu talde zuritxoan. Iaz, Amorebieta taldean jokatu zuen lagatuta. “Eskerrak eman nahi dizkiogu Gaizkari bere profesionaltasunarengatik eta lanarengatik. Zorte on!”, esan zuen Zaragoza taldeak bere webgunean.