Zapatuan, ekainak 3, Euskadiko Master Txapelketa izan zen Durangon eta bertan Beste Bira Txorierriko atletismo klubeko hiru korrikalarik hartu zuten parte bertan: Igor Garciak, Oscar Martinek eta Ruben Fonsecak. Korrikalariak 5.000 metroko lasterketan aritu ziren, eta Garciak urrea eskuratu zuen, eta Martinek, zilarra. Klubak bi aste barru du hurrengo hitzordu garrantzitsua, Gasteizen izango den Euskadiko Absolutu Txapelketan hain zuzen.
“Garciak M45 kategorian urrezko medaila lortzea zuen helburu, eta bete zuen. Horretarako, hirugarren postua defendatu zuen bakarkako lasterketan. Iraupen-korrikalariaren bakardadean murgilduta, 12 buelta eta erdi egin zituen eta podiumeko goialdera igo zen. Hala ere, ez zen medaila lortu zuen bakarra, M40 kategoriako zilarrezko domina Oskar Martinek eskuratu zuen eta. Fonsecak ere lasterketa ederra egin zuen: aurten federatu da eta bere helburuak lortuz doa”, adierazi dute klubeko arduradunek.
Bestalde, iragarri dute zapatuan, ekainak 10, Elian Quinteros Bizkaiko Txapelketan hartuko duela parte 16 urtetik azpiko kategorian, eta hurrengo astean Beste Birako atletak Euskadiko Txapelketan izango direla.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).