Aurreko egunetan, alkateak berretsi zuen Tourrak ez lukeela ekitaldi bietan eraginik izango, baina Ertzaintzarekin hitz egin eta gero, eguna aldatu behar izan dira. Gatibu taldearen kontzertua aurtengo jai-egitarauaren ekitaldirik garrantzitsuenetarikoa da eta Frantziako Itzuleraren ondorioz, ez da ekainaren 30ean egingo, udalak prestatu zuen moduan, 29an baizik. Era berean, urteroko paella lehiaketa uztailaren 1ean egitekoa zen, baina azkenean atzeratu dute eta hurrengo egunean egingo da, uztailaren 2an.
Tourraren haritik, uztailaren 1ean, Loiuko errepide nagusia, udaletxetik Lauroetako ermitara doana, 9:30etik 14:00etara bitartean moztuko da. Frantziako Itzulia babesteko, “Loiu Tour de France” mezua duten 500 polo eta 300 bandera jarriko ditu salgai, 10 eurotan eta 5 eurotan hurrenez hurren.