Domekan, abenduak 17, Euskadiko Kros Ligaren azken proba egin zen Arraten, Eibarren. Nolanahi ere, proba hori egin baino lehen, Beste Bira Loiu atletismo taldeko kideek bazekiten master kategorian irabazleak zirela, azarotik hona egin diren bederatzi probetan emaitza onak izan zituzten eta. Euskadiko Kros Liga lehen aldiz egin da aurten.
Bestalde, proba indibidualetan, Igor García Zarraga onena izan da M45 kategorian, ibili den lau probak irabazi ditu eta; gainera, hirugarrena izan da kategoria absolutuan. Era berean, Eduardo Manzanos, Beste Biraren kapitaina, hirugarrena izan da M45 kategorian, lehia bizia egin ostean; taldearen Jon Mikel Trebolazabala eta Javier Allende ere izan ziren lehia horretan.
Horrela, denboraldi handia burutu dute, Euskadiko Ligaren lehen titulua lortzeaz gainera, Euskadiko eta Bizkaia Masterreko tituluak ere eskuratu dituzte eta. Hurrengo erronka da Loiuko San Silvestre probaren lehen edizioa, abenduaren 30ean, 18:00etatik aurrera, izango dena.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).