Atzo, urtarrilak 21, Bizkaiko Kros Txapelketa, master kategorian, izan zen Muskizen eta Beste Bira Loiuk txapela lortu zuen bertan. Taldea iaz ere txapelduna izan zen eta, hortaz, titulua berrestea lortu dute. Txorierritarrek 12 puntuko aldea atera zioten bigarren sailkatuari, eta, gainera, banako lau medaila eskuratu zituzten. “Talde sendoa garela erakutsi dugu beste behin, eta irabazteaz gainera atletismo gozatzen dugula”, adierazi dute taldearen ordezkariek.
Igor Garcia, Beste Biraren burua, bigarrena heldu zen helmugara, baina lehena izan zen M50 kategorian, eta hortaz, bi medaila eskuratu zituen. Era berean, Martín Mc Gragh hirugarrena heldu zen, baina lehena izan zen M35 kategorian; eta hortaz, bera ere bi aldiz igo zen podiumera. Jonmi Trebolazabala zazpigarrena izan zen, eta sailkapenerako puntuak eskuratu zituen azkena. Gainerako taldekideak izan ziren Eduardo Manzanos, Javier Allende, Luis Plasencia, Rubén Fonseca, Oskar Martín eta Igor Barcia. Bestalde, Laurent Williams laugarrena izan zen M55 kategorian, eta Alberto Fontechak debuta egin zuen “oso sentsazio onak izan zituela”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).