Sari nagusiaz gainera, 24 sari nagusi, 20 herriko sari eta herrialdeen sariak eman zituen Loiuko Udalak. Herrian, goiz-goizetik, hainbat txokotatik etorritako 500 lagun inguru batu ziren, hala nola Sodupetik eta Lanestosatik; Txorierriko parte-hartzaileak ere izan ziren. Txapelketa Josepa Kalez Kale taldeak girotu zuen goizean. Herri-bazkariaren ostean, Five Direction taldearen kontzertua izan zen. Sariak banatu eta Lowe taldearen musikaz gozatzeko aukera egon zen. Eguna biribiltzeko, Los Invertebrados taldeak jo zuen Batzokian.
Zapatuan, otsailak 26, Euskal Herriko Putxera Txapelketa antolatu zuen Loiuko Udalak, eta hotza eta euria baziren ere, parte-hartze handia egon zen, guztira 121 putxera aurkeztu ziren eta. Txapelketa Larrondoko frontoian egin zen; hala ere, hori txiki gelditu zen parte-hartzaile guztiak hartzeko, eta udalak karpa bat ipini zuen pilotaleku ondoan. Orduñako Aitor Martinezek lehiaketako putxerarik onena egin zuen eta saritzat 600 euro eta txapela jaso zituen.