Bihar, 18:00etan, iazko azokaren bideoa ikusgai ipiniko da udal-liburutegian, eta 18:30ean, sormen-tailerra egingo da Alonsotegi plazan. Ondoren, Gabe kale-antzerkia izango da, Oihulari Klown taldearen eskutik. Zapatuan, bestalde, 12:30etik 20:00etara, herriko artistek egindako lanen erakusketa izango da Kultur Etxean, eta kopaua ere eskainiko da. Era berean, 14:00etan, zuzeneko arte-erakusketa egingo da Alonsotegi plazan, eta 17:00etan, Fridom Dj izango da plaza horretan. Swingtronics musika-taldeak kontzertua egingo da 20:30ean. Domekan, azkenik, herriko artisten erakusketa izango da 12:30etik 15:00etara, Kultur Etxean.
Asteburuan artez eta kulturaz beteko da Loiu
Loiuko Bakarrak gazteen elkarteak antolatuta, asteburuan, martxoaren 22tik 24ra, artez eta kulturaz gozatzeko aukera egongo da Loiun. Izan ere, Arte eta Kultura Azokaren bigarren edizioa egingo da, eta gazteen elkarteak egitarau-zabala prestatu du hiru egunetarako. Azokan parte hartuko dituzten artisten artean daude Izaro Sauto, Jon Ander Campos, Amanda Proy eta Nextor Otaño margolariak.