Beste Birako atletek lau kilometro egin zituzten Santiponceko zirkuitutik, eta horretan Estatuko atletarik onenen kontra lehiatu ziren. Sailkapenik onena Alain Sanchoyertok lortu zuen: 98. postua. “Taldeak historia egin du klubean zein Txorierriko atletismoan, lehen izan taldea baita Estatuko taldekako txapelketa baterako sailkatzen”.
Bizkaiko Txapelketa
Jakinarazi dutenez, Beste Bira kluba buru-belarri dabil Bizkaiko Kros Txapelketa prestatzen. Txapelketa abenduaren 1ean egingo da Zamudion. “Bidekoetxe parkean, hain zuzen, lurraldeko kros-lehiaketarik inportanteena izango da”. Txapelketa Loiuko kluba antolatzen dabil Zamudioko Udalarekin lankidetzan. Egun horretan atletarik onenek izango dute hitzordua Zamudion, 16 urtez azpiko kategoriatik kategoria absolutura arte.