Beste alde batetik, Javier Allendek, Jonmi Trebolazabalak eta Mungiako taldetik etorritako Ibon Díazek osatutako M45 taldeak ere parte hartu zuen txapelketan, eta hamalaugarrenak izan ziren. Era berean, Luis Plasenciak eta Mungiako taldetik etorritako Unai Castillejok M40 taldea osatu zuten, eta Alberto Fontecha hogeita laugarrena izen zen M60 kategorian. “Asteburu ederra izan da Beste Bira Loiuko masterrentzat, zeinak dagoeneko hasi baitira hurrengo erronka prestatzen: Bilboko 10K, martxoaren 9an egingo dena eta Espainiako Txapelketa ere badena”, adierazi dute klubeko arduradunek.