Asteburu honetan 2008. urteko Europako Triatloi Koparen bigarren proba izango da Pontevedran. Proba FEGATRIk (Galiziako Triatloi Federazioa) antolatu du.
Lasterketan Euskadiko Triatloi Selekzioko kirolariek hartuko dute parte; nahiz eta FETRIk (Espainiako Triatloi Federazioa) zailtasun handiak jarri, euskal selekzioa bertara ez joateko.
Horrela, bertoko hainbat triatletak ezin izango dute euskal federazioarekin parte hartzen; FETRIk ez dielako horretarako baimenik eman. Triatleta horiek Virginia Berasategi sondikarra, Ainhoa Murua, Zuriñe Rodriguez, Mikel Elgezabal eta Jon Unanue dira.
Trabak alde batera utzita, Euskadiko selekzioak irteera-marran egon ahal izatea garaipentzat jotzen du.