Jaialdi ederra antolatzea erarik onena da ikasturteari amaiera emateko. Eta bertsolaritza ikasten dabiltzan txorierritar gazteek hala egin zuten atzo, Sondikako Kultura Etxean. Ikasturtean zehar, herri-eskoletako seigarren mailako ikasleak Bizkaiko Bertsozale Elkartearen eskutik hurbildu dira bertsolaritza mundura, eta horiek guztiak batu ziren ekitaldian; 121 gazte, orotara. Talde bakoitzak klasean egindako lana aurkeztu zuen jendaurrean. Horrezaz gainera, Aitor Rubio kantariak musika saioa eskatu zuen, eta Etxahun Lekue eta Arkaitz Estiballes bertsolariak bat-batean aritu ziren taula gainean. Ikastetxeek diploma eta oparitxo bana jaso zuten oroigarritzat.