Argazkia: Arantza Laña Aranburu
Altzora Sondikako euskara elkarteak Oporretako argazkien Lehiaketa antolatu du bosgarren aldiz. Beraz, uda honetan mendira joaten bazara, hondartzara, herrira, irla xarmangarri batera, hiriburu bat ezagutzera, atzerrira… edo etxean gelditzen bazara, ez galdu aukera. Oporretan ateratako argazkirik onena aukeratu eta altzora.ee@gmail.com helbide elektronikora bidali.
Argazkiak irailaren 12ra arte aurkez daitezke, jpg. formatuan. Parte-hartzaile bakoitzak gehienek argazki bi bidali ahalko ditu eta datu hauek ere zehaztu beharko ditu: izen-abizenak, telefono zenbakia, data eta lekua. Nahi izanez gero, argazkiaren izenburua ere idatzi ahalko da, edo esalditxo bat berari buruz. Irabazleak sari bi izango ditu aukeran: lagun birentzako bazkari bat ala gaua landa-turismo batean pasatzea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).