Ikerketak trenbide bikoitzaren trazaketa definitzen du Artxanda mendiko tunel irteeratik Sondikaraino. Olako geltokiak aire zabalekoa izaten jarraituko du eta Sondikakoa Mitxine kalean lurperatuko da (gaur egun dagoen tokitik hurbil). Geltoki bien arteko trazadura 1.890 metrokoa da. Horietako 1.455 metro (% 75) lur-azpikoa izango dira.
Trazadura orokorrari dagokionez, guztira 3.189 metro izango dira, horietako 2.020 metro (% 63) lur-azpitik igaroz. Guztira 78.743.044 euroko gastua izatea estimatzen dute Eusko Jaurlaritzako Azpiegituren Zuzendaritzak.
Laster Sondika-Loiuko aireportua bitarteko hirugarren fasearen ikerketa informatiboa argitaratuko da, Eusko Tren Sarearen arabera “nahiko garatuta” dagoena.
Apirilaren 4tik maiatzaren 4ra bitartean alegazioak aurkezteko epea ireki da korporazio, elkarte eta partikularrentzat, proiektuaren interes orokorraren, trazaduraren sorkuntzaren edota ingurumen-inpaktuaren inguruan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
