Hala, 00:12tik 00:52ra arte trenak 10 minuturo aterako dira Olatik. Era berean, trenak 15 minuturo aterako dira barikuan Alde Zaharretik; eta 20 minuturo, zapatuan.
Bestetik, kontzertuen ordutegiak ere konfirmatu dituzte. Motxila 21 taldeak 16:30ean joko du; Ruper Ordorikak, 17:30ean; Georgie Famek, 19:00etan; Van Morrisonek, 20:30ean; eta Rubiak, 22:30ean. Hurrengo egunean, zapatuan, goizago irekiko dituzte ateak, 13:30ean hain zuzen ere. Mud Candies taldea 14:00etan igoko da eszenatokira; El Gran Wyoming y los Insolventes, 15:15ean; The Steepwater Band, 17:00etan; Imelda May, 18:30ean; Alpha Blondy, 20:15ean; eta Gov´t Mule, 22:15ean. Sarrerak Kutxabanken kutxazainetan eta www.ticket.kutxabank.es webgunean daude salgai.
Jaialdiaren iturburua “Music Legends” kontzertu-saila da, 2011. urtetik 2015. urtera bitartean Bilboko BBK aretoan egin dena.