Aurreko astean estoldak estaltzen dituzten hainbat kutxatila lapurtu dituzte Sondikako kale batzuetan. “Lapurrak Udaletxearen inguruan dauden txaleten aldean ibili dira, San Juan auzoan, baita Errementeri kalean ere... Guztira, 16 kutxatila eta estolda-zulo lapurtu dituzte, baita argiztapen-sistemaren kablea ere. Horrek guztiak 3.500 balio du”, esan digu Xabier Zubiaur alkateak.
“Ez dakigu gauza handirik lapurketari buruz: ez nortzuk izan diren, ez zergatik... Ertzaintzak esan digu beste herri batzuetan ere kutxatila batzuk lapurtu dituztela, baina ez dakite horrek harremana izango duen Sondikan gertatu denarekin”.
Alkateak adierazi du gauza gutxi egin ahal dutela lapurketaren kontra. “Segurtasun neurri berezirik ez dugu hartu. Esate baterako, ezin ditugu kutxatilak lotu, noizean behin horiek garbitu behar direlako. Gure udaltzainak zein Ertzaintza erne ibiliko dira, baina tamalez besterik ezin dugu egin”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
