Bideratze berriak ibaiertzei eutsiko die era indarberrituan, eta 15 metroko zabalerako ibilgu-tartea sortuko du. Era berean, hormigoi armatuzko metro biko zabalerako balkoi-hegala eraikiko da, inguruan jarduera industrialei eustea ahalbidetzeko. Tarte horretan dauden zubi biak ere ordezkatuko dira. Berriak bideratze berriaren zabalerara egokituko dira eta ahalmen handiagoa edukiko dute ura husteko. Lanek ez dute ibilguan eraginik edukiko, baina ibaiertzetan lurra eta hormigoia kenduko dira. Ibaiertzak apainduko dira paisaian ahalik eta ondoen integratzeko.
Lanak Sondikako Udala eta URA agentziaren arteko akordioari esker egingo dira. Udalak URAren eskura ipiniko du lurra, eta agentziak aurten lizitatuko ditu lanak, horretarako 2,9 milioi euroko aurrekontua duela.