Hala, eta Sondikako Aukera lehentasunen dokumentuan jaso den moduan, ohiko bideez gainera, auzotarrek zinegotzi batengana jo ahalko dute, euren eskaerak Udalari helarazteko.
Zinegotzi hori Oskar Eguskiza da, barne erregimeneko arduraduna. “Auzoek badituzte modu zuzen batean erantzun nahi dizkiegun behar bereziak. Horrela, bada, Udaleko iradokizun postontziaren bidez egiten denaz gainera, etengabeko entzute prozesu bat hasi nahi dugu”. Auzotarrak 94 453 50 10 telefonoaren bidez ipini daitezke harremanetan zinegotziarekin, auzoetan bertan, edo auzoak@sondika.eus helbide elektronikora mezu bat bidalita. Gainera, postontzi mugikor bat ipiniko da auzo guztietan.