Azokan bederatzi jatorrizko deiturek hartuko dute parte: Errioxako ardoak, Rueda, Rías Baixas, Nafarroako ardoa, Somontanoak, Penedés-eko ardoak, Jerez, Bierzo eta Txakolina. Era berean, Idiazabal gazta dastatzeko aukera egongo da. Aurrekoetan bezala, Sondikako armarria duen kristalezko kopa ipiniko da salgai, eta hura erosita hainbat ardo dastatu ahalko dira.
Bestalde, Sondika Berton merkatarien elkarteak outlet-a ipiniko du azokan, eta hara hurbiltzen denak eskaintzak topatuko ditu.