Asua ibaiak askotan gainezka egiten du eta horrek kaltea ekartzen die inguruko industriari eta auzokideei. Lanei esker, bideratze berri bat egingo da, ibai-tarte horretan zabalera handitzeko, eta uholdeak inguruan sortu ahal duen eragina murrizteko. Bideratze berriak ibaiertzak eutsiko ditu, eta 15 m zabalerako ibilgu-tartea sortuko du. Era berean, zubi zahar bi ordezkatuko dira, bideratze berriaren zabalerari egokituta, eta gaur egungo zubien ur hustuketarako ahalmena baino nabarmen handiagokoak. Egokitze hidrauliko hori egindakoan, ibaiertzak berreskuratuko dira paisaiaren ikuspuntutik.
“Lanak, lanak dira eta ondorioz, zonalde horretako langileek eta bizilagunek arazoren bat izango dute, baina oro har, lanek oso eragin txikia izango dute. Enpresen jarduera, esate baterako, ez da inola ere geldituko”, esan du Xabier Zubiaur alkateak. Asua ibaia aspaldiko arazoa da Sondikan eta horregatik alkatea oso pozik agertu da lanei buruz hitz egin duenean. “Harremanetan egon gara Sangroizeko bizilagunei eta eurek inork baino hobeto dakite nolako esfortzua egin dugun proiektua aurrera eramateko. Eskerrak eman nahi dizkiet eurek izandako pazientziarengatik. Asua ibaia bideratzeko proiektua handia izan da: izapide asko, garestia, krisia... Azkenean proiektua egingo da eta guztiok gaude oso pozik”.