“Bigarren ilaran aparkatzea ekidingo da eta, ondorioz, segurtasun handiagoa egongo da eta non aparkatu topatzea errazagoa izango da”. Trafikoa Goiri erdikoa kalearen eta Txorierri etorbidearen arteko loturan ere berrantolatuko da. Hala, eta leku horretan seguruago ibili ahal izateko, Txorierri etorbidetik datozen autoek edukiko dute lehentasuna. Era berean, seinaleak, aparkalekuak, pasabideak eta abarrekoak margotuko dituzte auzko kaleetan. “Beste urrats bat da auzoa hobetzeko”, esan du Zubiaurrek. “Sabino Arana kalearen irisgarritasuna hobetu genuen, eta LED argiak ipini ziren auzoaren argitasuna ere hobetzeko”. Aipatutakoez gainera, abuztuan egingo diren lanek “auzokideek bizi-kalitate handiagoa edukitzea ekarriko dute, eta auzoko dendarientzat ere izango dira mesedegarriak”.
Bestetik, Sondikako Udalak Errementari kaleko seinaleak, aparkalekuak eta pasabideak ere margotuko ditu, Goiri kaletik futbol zelairantz. Baita Txorierriko korridorerako sarbidea ere. Guztira 23.000 euro ipiniko ditu lanotan.