Sondikako Udalak Ikurriña Plaza berritzeko lanak jarri ditu martxan. Lanek 26.000 euroko aurrekontua dute eta fase batzuetan egingo dira. Izan ere, plaza herrigunean dago eta hainbat ekitaldi antolatzen dira bertan: esate baterako, azaroaren 18an, Euskal Azoka antolatuko da plazan.
“Lanak behar-beharrezkoak ziren, jende askok erabiltzen duelako plaza egunero. Berrikuntzari esker, plaza osoa apainduko dugu”, esan du Xabier Zubiaur Sondikako alkateak. Langileak dagoeneko dabiltza lanean. Plazaren solairua konponduko dute; eta Euskal Azoka egin eta gero, behar bezala margoztuko dute. Gainera, umeek jolasteko eremu berria jarriko da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).