Azaroaren 18an, domekan, hogeita bigarren aldiz egin zuten Sondikako Euskal Azoka. Euria egonda ere, herritar asko hurbildu ziren azokara, baserriko produktuak ikusi eta erostera, eta goiz osoan egon ziren ekintzaz gozatzera. Izan ere, egitarau zabala antolatu zen adin guztietako herritarrentzat.
Horrela, bada, txalapartaren eta herri kirolen erakustaldiaz gainera, kalejira egin zen txistulariek girotuta eta umeentzako tailerrak antolatu ziren. Dantza-poteoa izan zen dantzariekin, buruhandiekin eta erraldoiekin, eta Bentazaharreko mutiko alaiak taldeak musika saioa eskaini zuen.
Azoka-eredua iaz berriztatu zenez gero, urteko merkatua euskara, kultura eta herri kirolak batzen dituen ekitaldi handia bihurtu da. “Jaia inguruan bizi diren euskal kultura zaleen, gastronomia zaleen, herri kirolzaleen eta lagunen topagune bilakatu nahi dugu”, esan zuen Xabier Zubiaur Sondikako alkateak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).