Logoa
Logoa
aikor.eus

Karpa bi jarriko dira azkenean, Sondikako Inauterietan

  Kultura  Sondika

Martxoaren 8an eta 9an, Inauteriak egingo dira Sondikan, eta azkenean, karpa bi jarriko dira jai-gunea hartzeko. Biak egongo dira oso gertu: bata, Iturrikosolo kalean; eta bestea, Lehendakari Agirre kalean, lehen azokan jartzen zen moduan. “Ez dugu jai-gunea herrigunetik gehiegi urrundu nahi”, esan dute antolatzaileek, Sondikako Inauterien Elkarteko kideek.  

Azken urteotan gero eta jende gehiago hurbiltzen da Sondikako Inauterietara: 5.000 lagun baino gehiago. “Orain arte izan dugun karpan, aldiz, 2.000 lagunentzako lekua baino ez dago. Ez da segurua”. Lekua, nahiz eta karpa bitan banandu, apur bat txikiagoa izango da –lehen 875 m2 zeuden; eta orain, 700 m2– , baina gutxienez, erabat segurua izango da. “Orain arte, Inauteriak tren-geltokiaren ondoko aparkalekuan egin dira, baina hori leku itxia da, sarrera-irteera bakarra duena, eta zerbait gertatuko balitz, arriskutsua izango litzateke”.

Sondikako Inauterien Elkarteak inauteriak antolatzen ditu herriko Udalaren babesarekin. Erakunde biak bilerak egiten ibiliko dira datozen asteotan, “ahalik eta inauteririk onenak egiteko”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa