Aurreko edizioen arrakasta kontuan hartuta, Sondikako Udalak “Sondika Pintxotan” Lehiaketa antolatu du hirugarren aldiz. Horrek herriko ostalaritza bultzatzea du helburu. Lehiaketari otsailaren 9an emango diote hasiera, eta, ohi moduan, hiru kategoria egongo dira: okela, arraina eta askea. Okelazko pintxoen lehiaketa otsailaren 9an izango da; arrainezkoa, martxoaren 16an; eta modalitate askeko pintxoena, apirilaren 13an. Pintxo bakoitza euro batean salduko da 20:00etatik 22:30era.
Sondikako ostalariek pintxorik onenak egingo dituzte beste behin ere, herritar guztiek goza ditzaten. Gainera, Crazy Jazzers taldeak lehiaketa girotuko du, eta Izarza jatetxean bi lagunentzako afaltzeko txartelak zozketatuko dira parte-hartzaileen artean. Irabazleak nortzuk izango diren epaimahai tekniko batek eta herritarrek erabakiko dute. Udalak irizpide hauek adierazi ditu, pintxoei puntuak emateko orduan: aurkezpena, lehengaien kalitatea eta oreka, zaporea eta asebetetzea eta originaltasuna. Lehiaketa bakoitza irabazten duen tabernak garaikurra jasoko du; eta hiru mailetan puntu gehien lortzen duenak, txapela.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).