Sondikaren gaineko dokumentala ikusteko gonbidapenak

Sondikako Udalak Sondika, txori hegalarien habia dokumentala egin du Labayru Fundazioaren laguntzarekin. Lan horretan, herriko historia hurbila jaso da hainbat lekukoren testigantzari esker.

Dokumentala martxoaren 30ean eskainiko da Sondikako Kultur Etxean, eta emanaldi bi egongo dira: bata, euskaraz, 18:00etan; eta bestea, gaztelaniaz, 19:30ean. Gonbidapenak martxoaren 11tik 22ra bitartean har daitezke liburutegian, ohiko ordutegian. Bestalde, Gorondagane eskolako umeek apirilean ikusiko dute dokumentala.