Ertzaintzak marihuanaren plantazio bat topatu du Sondikan

Erandioko Ertzain-etxeko agenteek 150 marihuana-landare topatu zituzten martitzenean, Sondikako baserri batean. Landareak hazteko beharrezkoak diren tresnak ere aurkitu zituzten bertan, hala nola lanparak, balastoak, haizagailuak, aire-filtroak,erauzgailuak eta kontsumo handiko instalazio elektrikoa.

Ertzainek hainbat pertsona identifikatu zuten, eta errentariari, 25 urteko mutil bati, osasun publikoaren aurkako delitua leporatu zioten. Argindarrarekin iruzur egitea ere egotzi zioten, izan ere, instalazioek energia-kontsumo handia zuten eta sare elektrikora legez kanpoko konexioa zuten. Ertzainek gaztea ertzain-etxera eraman zuten beharrezko izapideak egitera, eta, horien ostean, aski utzi zuten. Gaztea epailearen aurrean agertzeko zain dago.

Jakinarazi dutenez, Osasun Sailak substantzia aztertzeko laginak hartu ondoren, landareak suntsitu egingo dituzte. Ertzain-etxeak gertaera ikertzen jarraitzen du.