Gorondagane eskolako teilatua konpontzeko lanak hasi dira

Sondikako eskolak itoginak ditu eta hezetasuna dago barruan. Ikasturtea amaituta, eraikineko teilatua konpontzeko lanei ekin diete, arazo horiei erantzuna emateko. Lanek lau hilabete iraungo dute eta Eusko Jaurlaritzako Hezkuntza Sailak ordainduko ditu: 300.000 euro inguru.

Bestalde, horiek ez dira izango Gorondagane eskolan egingo diren lan bakarrak. Sondikako Udalak eta Eusko Jaurlaritzak iragarri zuten moduan, eskolako patioari estalkia ipiniko diote 2020rako.