Festibala ekainaren 5ean eta 6an izango da Ola zentroan, Sondikan, eta antolatzaileek jakinarazi dute Roger Hodgsonek eta Joanna Connorrek bertan joko dutela. Supertramp taldearen abeslaria izateaz gainera, Hodgson konpositorea eta teklatu-, gitarra- eta baxu-jotzailea ere bada; Txorierrira World Tour 2020 “Breakfast in America” biraren haritik ailegatuko da. Bestalde, Connor blues-rock estiloko konpositore eta gitarra-jotzaile handia da. Bere trebetasuna dela eta, The Queen of Blues/Rock Guitar moduan da ezaguna. Sondikan, Rise azken lana aurkeztuko du.
Jaialdiaren antolatzaileek egun bietarako 400 bonu berezi ipini dituzte salgai 75 euroan (gehi gastuak). Sarrerak www.musiclegendsfestival.com webgunean edo Kutxabanken bidez hartu ahalko dira abenduaren 9ra arte edo harik eta bonuak agortzen diren arte. BBK Music Legends Festibala bosgarren aldiz egingo da datorren urtean. Kohesioa eta gizarteratzea ditu helburu nagusitzat, eta, horretarako, musikaz eta kulturaz baliatzen da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).