Udako zaporea

Altzora Sondikako euskara elkarteak udako argazki-lehiaketa antolatu du 10. aldiz, eta orotara 40 lan jaso dituzte. Jon Goikouria Larrabeiti argazkilaria epaile ibili da eta irabazletzat Itsasne Zubiri sondikoztarrak Derion egindako argazkia aukeratu du. Zubiriren argazkiaz gainera, beste bederatzi argazki hautatu ditu Goikouriak. Argazkiak ikusgai ipiniko dira azaroan Sondikako liburutegian, eta batzuk orrialde hauetara ere ekarri ditugu. Beraz, oraindik ere udako zaporea izango dugu ezpainetan.