Erosi eta gozatu Sondikan

Sondikako Udalak “Erosi eta gozatu Sondikan” kanpaina zabaldu du, kontsumoa herriko tabernetan eta dendetan bultzatzeko. “Murrizketek presente jarraituko dute. Horregatik, Sondikako Udala egoera hori gehien pairatzen ari diren pertsonei zuzendutako ekintzak egiten dabil, GLLak (Gizarte Larrialdietarako Laguntzak) zabalduz eta Txorierriko herri horretako denda, ostalaritza establezimendu eta zerbitzuei zuzeneko laguntzak emanez”.

Kanpainak fase bi izango ditu: batetik, planaren berri emango da Sondikako dendetan,  kartelen eta biniloen bidez. Gainera, bideoa zabalduko da, jendea parte hartzera animatzeko. Bestetik, ostalariek estalki egonkorrak jartzeko aukera izango dute; eta gaur egun terrazarik ez dutenek aparkaleku batzuk okupatzeko aukera izango dute. Horrela, Udalak alternatiba eskaini nahi die ostalariei, osasun-arrazoiengatik terrazan soilik kontsumitzera behartu dituzten neurriak dituztelako.

 

Tasak izoztuta

Bestetik, gaur, urriaren 21ean, Sondikako Udalbatzarrak 2021eko tasak eta zergak izoztea erabaki du, “pandemiaren ondorioz une zail hauetan karga fiskal handiagoa ez aplikatzeko”, prensa-oharrean zabaldu duten moduan.  

Txorierriko albiste garrantzitsuak eta azken ordukoak Whatsapp bitartez jaso gura dituzu?

WHATSAPP: Bidali ALTA 747 406 561 telefono zenbakira.

Izan zaitez berriemale ere bai. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).