Udalak joan den astean izan zuen agerraldiaren berri eta zentroko zuzendaritzarekin ipini zen harremanetan. Harrezkero udala desinfektatze-lanak egiten dabil eraikinaren kanpoaldean zein inguruetan. Bestalde, erlijio-zentroak instalazioak garbitzeko eta desinfektatzeko zerbitzu propioa du, baita erosketak-eta egiteko zerbitzua ere.
Erlijio-zentrora deitu dugu eta esan digute orokorrean ondo daudela eta baten batek sukar apur bat duela. Beste aldetik, El Correo egunkariak mojetako bat hil dela argitaratu du gaur. Komentuak informazioa baieztatu digu, baina aipatu digute ez dutela informaziorik esateko heriotza COVID-19aren eraginez edo beste kausa batengatik izan den.