Hitzordua bakarrik Sondikako familiek eskatu ahal dute www.sondikagara.eus webgunean eta familia bakoitzeko gehienez hiru umek eta nagusi batek agurtu ahalko dituzte Olentzero eta Mari Domingi. Azken bi horiek hurrengo egun hauetan izango dira Erretiratuen Etxean: abenduaren 21ean eta 22an, arratsaldez; hilaren 23an, goizez eta arratsaldez; eta hilaren 24an, goizez.
“Ibilbide bat atondu dugu, familiak lekura segurtasun-neurriei jarraituta –distantzia eta gehienez sei lagun– sar daitezen eta txikiek Olentzerorekin eta Mari Domingirekin euren sekretuak eta nahiak parteka ditzaten”, azaldu du Xabier Zubiaur Sondikako alkateak.
Bestalde, postal-lehiaketa ere antolatu da eta lanak aurkezteko epea gaur amaituko da. Era berean, Gabonetako apaingarrien tailerra ipini da martxan, Sondikako Desioen Zuhaitza osatzeko: abenduaren 9tik 13ra bitartean, apaingarriak eta desioak utzi ahalko dira erretiratuen egoitzako aterpean eta zuhaitza apaintzeko erabiliko dira. Informazio gehiagorako, hasieran aipatutako webgunera jo daiteke.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
