Zehatz-mehatz 5,456 milioi euroko onartu dute 2021erako; iaz baino 17.400 euro gutxiago. Sondikako Udalak adierazi duenez, lehentasuna pertsonak dira. Horrela, 30.000 euro bideratuko dute gizarte-larrialdiko laguntzetara, eta, beharrezkoa izanez gero, diru-partida hori handituko dute. Era berean, 30.000 euro zuzenduko dituzte herriko langabeentzako ikastaroetara eta haien kontratazioetara.
Bestalde, 35.000 euroko laguntza zuzena emango diete herriko ostalariei eta merkatariei, eta 30.000 euro ipiniko dute bonu-kanpainaren bidez herrian kontsumitzea bultzatzeko.
Udalak inbertsioak egiteko asmoa ere badu: LED argiak aldatzea, mugikortasun-bide berriak eta bizikletak aparkatzeko guneak atontzea (6.000 euro), udal-kartelgintzako euskarriak berritzea, Larrabarrena parkean komun publikoa ipintzea eta hango kirol-gunea konpontzea eta eraikin publikoetan hobetze-lanak egitea. Udalak jakinarazitakoaren arabera, EAJk aurrekontuaren aldeko botoa eman du, eta EH Bilduk, kontrakoa.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
