Aste Santurako ekintzak Sondikan

Sondikako Udalak haurrentzako eta gazteentzako zenbait ekintza antolatu ditu Aste Santurako. Azaldu dutenez, ekintzen helburua da sondikoztarrei mugikortasun-murrizketetan eta kontziliazioan laguntzea. Hala, ekintzak egingo dira Artebe kiroldegian, ludoteketan eta gaztetxean. Izena ematea aipatutako lekuetan egin daiteke martxoaren 24ra arte.

“Iazko udan egin genuen moduan, eta pandemiaren bilakaerak aukera ematen badu, indarrean dauden osasun-murrizketetan oinarritutako jarduerak antolatu ditugu, giza harremanak sustatzeko eta gure inguruneaz eta jendeaz gozatzeko”, adierazi du Xabier Zubiaur Sondikako alkateak.

Bestalde, aipatu beharra dago Sondika Bonuak salgai ipini direla. Lerro hauek idaztean, 35 saltokik, tabernak eta jatetxek zuten kanpainan izena emanda. Guztira 3.600 bonu salduko dira 25 eta 15 euroan.

Txorierriko albiste garrantzitsuak eta azken ordukoak Whatsapp bitartez jaso gura dituzu?

WHATSAPP: Bidali ALTA 747 406 561 telefono zenbakira.

Izan zaitez berriemale ere bai. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).