Ertzaintzak esandakoaren arabera, atxilotuak 23 eta 24 urteko gazte bi dira eta, atxilotu zituztenean, berokuntzako hodi batzuk zituzten; polizia hodiak nondik hartu zituzten ikertzen dabil. Hodiak inguruko beste etxe batean lapurtutako triziklo batean garraiatzen zituzten.
Ertzaintzak jakinarazi duenez, astelehenean, gaueko bederatziak aldera, sondikoztar baten deia jaso zuten etxe barruan bi pertsona harrapatu eta atxikita zituztelako. Adierazitakoaren arabera, bigarren solairuan zegoela, etxearen bizilagunak zaratak entzun zituen beheko solairuan eta jaitsi zenean pertsona bat topatu zuen bertan. Lapurra korrika irten zen lorategirantz eta han beste pertsona bat zegoen. Lapurrek hesiaren gainetik jauzi egin zuten, baina beste herritar batzuen laguntzarekin etxearen jabeak lapur biak atxikitzea lortu zuen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).