Aitu! udal-aldizkarian jakinarazitakoaren arabera, Sondikako Udalak deialdi berria zabaldu du herriko merkatari, ostalari eta autonomoentzat. Helburua da sektore horietako profesionalei laguntzea pandemiak ekarritako ondorio ekonomikoak arintzen. Laguntzak irailaren 30era arte eskatu daitezke www.sondika.eus webgunearen bidez.
Esandako aldizkarian jaso dutenez, aurreko aldiarekin alderatuta, fakturazioa % 35 baino gehiago murriztu duten profesionalek gehienez 1.500 euro jasoko dute; gehienez 950 euro, fakturazioa % 15 eta % 35 artean murriztu dutenek; eta gehienez 475 euro, fakturazioa % 15era arte murriztu dutenek. Nolanahi ere, zenbatekoak handiagoak izan daitezke, baldin eta eskabideek ez badute agortzen horretarako diru-partida. Informazio gehiago udal-webgunean eta www.sondikagara.eus webgunean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).