Irene Diaz Abellan, 2021eko ohorezko erromesa

Begoñako Andra Mariaren Kofradiak Irene Diaz Abellan sondikoztarra izendatu du ohorezko erromes. Kazetaria Bilboko Erromeriaren ordezkari izango da aurten eta lepoko bordatua urriaren 11n jasoko du aurkezpen-ekitaldian. “Ohore handia da aurten ohorezko erromesa izatea. Juan Mari Aburto Bilboko alkatearen eskutik jasoko dut lekukoa eta lankideei eta kulturaren munduari eskainiko diet, ekarpen handia egin didate eta”, esan du. Sondikako kazetaria Diario Local albistegiko zuzendaria eta aurkezlea da Telebilbaon, eta La Tribuna elkarrizketa-saioa ere aurkezten du bertan.