Bonuak astelehenetatik aurrera, azaroak 15, eskuratu ahalko dira liburutegian. Alde batetik, 10 euroko bonuak egongo dira eta horien truke herritarrek bost euro ordainduko dituzte; eta bestetik, 25 euroko bonuak, 15 euroko balio dutenak. Kanpainaren oinarriak eta bertan parte hartzen duten establezimenduen zerrenda jakinaraziko dira udal-webgunetan, telegramen eta gizarte-sareetan. Bestalde, bonuak erosten dituzten lehenengo 500 pertsonek poltsa tolesgarri bana jasoko dute.
Sondikako Udalak jakinarazi duenez, osasun-murrizketen ondorioz, 2021. urtea ere “oso zaila izan da merkatari eta ostalarientzat”. Hori dela eta, Sondika Bonuaren edizio berria ipiniko dute martxan Gabonetara begira. “Ziur gaude beste pizgarri bat izango dela, gure tokiko merkataritzan, tabernetan eta jatetxeetan konfiantza izateko”. Udalak 30.000 euroko inbertsioa egingo du eta 3.600 bonu ipiniko ditu salgai.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).