Ikastaroak 22 euro balio du 21 urtetik beherako sondikoztarrentzat, eta 32 euro, 21 urtetik gorakoentzat. Erroldatu gabeek, berriz, 109 euro ordaindu beharko dituzte. Izena ematearekin batera jakinarazi beharko dira datu pertsonalak eta bankuko kontu zenbakia. Bestalde, parte-hartzaile bakoitzak eraman beharko ditu bere patinak, kaskoa eta babesak. Sei urtetik gorako umeentzako eta beren familiarentzako ekintza da.
Sondikako Udalak familian patinatzeko ikastaroa antolatu du. Ikastaroa maiatzaren 7tik ekainaren 18ra arte izango da, zapatuetan, 17:00etatik 19:00etara, udalaren patinaje-pistan. Eguraldi txarra izanez gero, Gorondagane eskolako patio estalian egingo da. Izena ematea apirilaren 13ra arte egin daiteke liburutegian. Lekuak apirilaren 20an, 17:00etan, zozketatuko dira eta Sondikan erroldatuek lehentasuna izango dute.