Sondikan, ekainaren 23tik 26ra bitartean ospatuko dituzte San Joan jaiak, eta bertako udalak aurreratu du jaietan zein musika-taldek joko duten. Kontzerturik erakargarrienak Huntza eta Doctor Deseo taldeenak izango dira, ziur asko. Huntza taldea barikuan, ekainak 24, igoko da agertokira, eta, Berriro zuekin – Maketoen Iraultza – El reencuentro biraren baitan, Doctor Deseok zapatuan, ekainak 25, egingo du kontzertua.
Bestalde, hauek dira zehatz-mehatz San Joan jaietan izango diren kontzertuak eta ordutegiak:
Ekainak 23, 23:30ean: Gozategi + Dj Alex.
Ekainak 24, 23:30ean: Huntza + Dj Ibai Sanchez.
Ekainak 25, 24:00etan: Doctor Deseo + Dj Dantzatzeko prest.
Ekainak 26, 21:00etan: Mejico Lindo mariatxiak.